Geo Eng  
დაასუფთავე საქართველო
 
მთავარი             კონსორციუმი             პროექტი              GIS რუკა               დოკუმენტები               პარტნიორები
 
Clean Up Georgia

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 



2013-05-25 დასუფთავების აქცია

25 მაისს, თბილისის სააპელაციო და თბილისის საქალაქო სასამართლოების მოხელეებმა, საქართველოს უზენაესი სასამართლოსა და საქართველოს მწვანეთა მოძრაობა/დედამიწის მეგობრები-საქართველოს წარმომადგენლებმა, საქართველოს დამოუკიდებლობის დღესთან დაკავშირებით ჩაატარეს ერთობლივი დასუფთავების აქცია ლაგოდეხის ნაკრძალის მიმდებარე ტერიტორიაზე, კერძოდ დაასუფთავდა ნინოსხევის ტერიტორია. აქციაში მონაწილეებმა გამოხატეს მზაობა შემდგომში მსგავსი ტიპის ღონისძიებებში მონაწილობის მისაღებად.
დასუფთავების აქციაში მონწილობდა დაახლოებით 20-მდე ადამინი.

დაწვრილებით

2013-04-22 საქართველოში დედამიწის დღე 23-დ აღინიშნა

საქართველოს მწვანეთა მოძრაობა/დედამიწის მეგობრები-საქართველოს ორგანიზებით წელს დედამიწის დღე 23-დ აღინიშნა და მის ფარგლებში მრავალი ღონისძიება ჩატარდა.
22 აპრილს, საქართველოს ეროვნულ ეთნოგრაფიულ მუზეუმში საქართველოს მწვანეთა მოძრაობა/დედამიწის მეგობრები-საქართველოს ახალგაზრდული წევრებისა, საპატიარქოსთან არსებული ახალგაზრდული მოძრაობა "დავითიანნის" და საქართველოს გლობალური წყლის პარტნორობის ორგანიზებით ჩატარდა სემინარი, სადაც საუბარი იყო სხვადასხვა გარემოსდაცვით პრობლემებზე, მონაწილე სტუდენტების მიერ წარმოდგენილი იყო პრეზენტაციები გარემოსდაცვის თემებზე, მათ შორის კლიმატის ცვლილებაზე. სემინარმა სტუდენტებში დიდი ინტერესი გამოიწვია.
დაწვრილებით

2013-03-30 საერთაშორისო ტრენინგში მონაწილეობა

ორგანიზაციის წევრები ლელა ყაჭეიშვილი (პასუხისმგებელი პირი საზოგადოებასთნ და პრესასთამ ურთიორთობის) და მადონა პირველაშვილი (პასუხისმგებელი პირი ნარჩენების მართვის და ქიმიური უსაფთხოების საკითხებში) 2013 წლის 4–26 მარტს ქ. სტოკჰოლმში (შვედეთი) მონაწილეობდნენ საერთაშორისო ტრენინგში „ქიმიური ნივთიერებების მართვის სტრატეგია“, რომელიც ორგანიზებული იყო შვედეთის ქიმიური ნივთიერებების მართვის სააგენტოს (KEMI) მიერ, შვედეთის საერთაშორისო განვითარების თანამშრომლობის სააგენტოს (SIDA) დაფინანსებით. ტრენინგში ასევე მონაწილეობდნენ უკრაინის, მოლდავეთის, ურუგვაის, ალბანეთის, კოსოვოს, ბოსნია–ჰერცოგოვინის, მაკედონიის, ხორვატიის და სერბეთის წარმომადგენლები.
დაწვრილებით

2013-03-28 საგურამოს ახალი ქარსაცავი ზოლი

ამა წლის 28 მარტს, საქართველოს მწვანეთა მოძრაობა/დედამიწის მეგობრები - საქართველოს და კოალიცია ‘’სოლიდარობის’’ ინიციატივით „დავასუფთავოთ საქართველოს’’ ფარგლებში ჩატარდა გამწვანების აქცია.
საგურამოში, ილია ჭავჭავაძის სახლ-მუზეუმის ზევით დაირგო 100-ზე მეტი ნეკერჩხლის ნერგი, რომლებიც ქარსაცავ ზოლად აღიმართა.

დაწვრილებით

2013-03-23 "წყალი – როგორც თანამშრომლობის საუკეთესო საშუალება"

ა/წ 22 მარტს, წყლის დაცვის საერთაშორისო დღესთან დაკავშირებით საქართველოს ეთნოგრაფიული მუზეუმის განათლების ცენტრში, საქართველოს მწვანეთა მოძრაობა/დედამიწის მეგობრები – საქართველოს და ეთნოგრაფიული მუზეუმის საგანმანათლებლო ცენტრის ორგანიზებით, ჩატარდა კონფერენცია "წყალი – როგორც თანამშრომლობის საუკეთესო საშუალება".
დაწვრილებით

2013-01-29 შეხვედრა–დიალოგი თემაზე: ეკო–კლუბების როლი გარემოსდაცვითი ცნობიერების ამაღლებაში

ქ. საგარეჯოში, 2013 წლის 29 იანვარს, დემოკრატიული ჩართულობის ცენტრის (საგარეჯო, რუსთაველის ქ. № 240) მიწვევით გაიმართა შეხვედრა-დილოგი თემაზე „ეკო–კლუბების როლი გარემოსდაცვითი ცნობიერების ამაღლებაში“. შეხვედრაში მონაწილეობა მიიღეს საგარეჯოს, სოფ. პატარძეულის და სოფ. წყაროსთავის საჯარო სკოლების ეკო–კლუბების წარმომადგენლებმა.
დაწვრილებით

2012-11-30 სემინარი ნარჩენების მდგრადი მართვის შესახებ

2012 წლის 30 ნოემბერს პროექტის "დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში" ფარგლებში, სათემო ფონდი „ეგრისის“ მიწვევით, ნარჩენების მდგრადი მართვის საკითხებთან დაკავშირებით ჩატარდა ზუგდიდის მუნიციპალიტეტის სოფ. ორსანტიის საჯარო სკოლის VIII- XII კლასის მოსწავლეებთან შეხვედრა. შეხვედრაზე დამსწრე მოსწავლეებს მიეწოდათ სრულყოფილი ინფორმაცია მსოფლიოში ნარჩენების მდგრადი მართვის უახლესი ტექნოლოგიებისა და საუკეთესო პრაქტიკის შესახებ. ასევე გაიმართა მსჯელობა ნარჩენების პრობლემებთან დაკავშირებულ საკითხებზე სკოლებში.
დაწვრილებით

2012-11-20 სემინარი ნარჩენების მდგრადი მართვის შესახებ

2012 წლის 20 ნოემბერს პროექტის "დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში" ფარგლებში ქ. გორში სუხიშვილის სასწავლო უნივერსიტეტში სტუდენტებისთვის ჩატარდა სემინარი მყარი საყოფაცხოვრებო ნარჩენების მდგრადი მართვის შესახებ. შეხვედრაზე წარმოდგენილ იქნა სრულყოფილი ინფორმაცია მსოფლიოში ნარჩენების მდგრადი მართვის უახლესი ტექნოლოგიებისა და საუკეთესო პრაქტიკის შესახებ. ასევე გაიმართა მსჯელობა ნარჩენების პრობლემებთან დაკავშირებულ და სხვა გარემოსდაცვით საკითხებზე.
დაწვრილებით

2012-11-17 პროექტის „დავასუფთაოთ საქართველო“–ს ეროვნული შეხვედრა

16 ნოემბერს, სასტუმრო „თბილისი მერიოტში“ პროექტის ,,დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში” ჩატარდა პროექტის საანგარიშო შეხვედრა.

შეხვედრაში მონაწილეობა მიიღეს: პროექტის განმახორციელებელი ჯგუფის წევრებმა, რეგიონულმა კოორდინატორებმა, ექსპერტებმა, შვედეთის საელჩოსა და გარემოს დაცვის სამინისტროს წარმომადგენლებმა, ასევე პროექტის ფარგლებში განხორციელებული აქტიობების ორგანიზაციულმა ჯგუფებმა (სტუდენტებმა, მოსწავლეებმა და დაინტერესებულმა მოქალაქეებმა).


დაწვრილებით

2012-11-16 კონფერენცია თემაზე: რეციკლირების ბიზნესის როლი და მთავარი გამოწვევები მყარი მუნიციპალური ნარჩენების ინტეგრირებულ მართვაში

2012 წლის 15 ნოემბერს სასტუმრო „თბილისი მარიოტში“ პროექტის "დავასუფთაოთ საქართველოს" ფარგლებში გაიმართა კონფერენცია თემაზე: „რეციკლირების ბიზნესის როლი და მთავარი გამოწვევები მყარი მუნიციპალური ნარჩენების ინტეგრირებულ მართვაში“ . კონფერენციას ესწრებოდნენ სამთავრობო და არასამთავრობო სტრუქტურების, მყარი მუნიციპალური ნარჩენების რეციკლირება/გადამუშავებით დაკავებული ბიზნეს– ორგანიზაციების წარმომადგენლები, SIDA-ს პროგრამების ოფიცერი საქართველოში ქ–ნი ხათუნა ზალდასტანიშვილი, პროექტის „გარემოს დაცვის სამინისტროს შესაძლებლობების გაზრდა და ნარჩენების მართვის სისტემის განვითარება და სრულყოფა საქართველოში“ მუდმივი უცხოელი მრჩეველი ელინა ველინოვა.
დაწვრილებით

2012-11-03 სემინარი ნარჩენების მდგრადი მართვის შესახებ და დასუფთავების აქცია

2012 წლის 3 ნოემბერს პროექტის "დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში" ფარგლებში, ქალთა სათემო ორგანიზაცია „თეძამის“ მიწვევით, ნარჩენების მდგრადი მართვის საკითხებთან დაკავშირებით ჩატარდა კასპის მუნიციპალიტეტის სოფ. ახალქალაქის საჯარო სკოლების მოსწავლეებთან შეხვედრა. შეხვედრაზე დამსწრე მოსწავლეებს მიეწოდათ სრულყოფილი ინფორმაცია მსოფლიოში ნარჩენების მდგრადი მართვის უახლესი ტექნოლოგიებისა და საუკეთესო პრაქტიკის შესახებ. ასევე გაიმართა მსჯელობა ნარჩენების პრობლემებთან დაკავშირებულ საკითხებზე სკოლებში.


დაწვრილებით

2012-10-31 31 ოქტომბერი შავი ზღვის დაცვის დღეა!

31 ოქტომბერი შავი ზღვის დაცვის დღეა!
1996 წლის 31 ოქტომბერს (თურქეთი, ანკარა) შავი ზღვის ექვსივე ქვეყნის (საქართველო, რუმინეთი, უკრაინა, ბულგარეთი, რუსეთის ფედერაცია და თურქეთი) გარემოს დაცვის მინისტრებმა ხელი მოაწერეს შავი ზღვის აღდგენისა და დაცვის სტრატეგიულ სამოქმედო გეგმას. სამოქმედო გეგმის მეშვეობით დაისახა ის აუცილებელი ღონისძიებები, რომელთაც მნიშვნელოვნად უნდა შეეწყოთ ხელი შავი ზღვის დაბინძურების შემცირების, მონიტორინგის, ცოცხალი რესურსების მართვისა და მდგრადი განვითარებისათვის.

დაწვრილებით

2012-10-27 სემინარი ნარჩენების მდგრადი მართვის შესახებ

2012 წლის 27 ოქტომბერს პროექტის "დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში" ფარგლებში ნარჩენების მდგრადი მართვის საკითხებთან დაკავშირებით ჩატარდა აფხაზეთის ა/რ მთავრობის გარემოს დაცვის სამმართველოს თანამშრომლებთან შეხვედრა. შეხვედრაზე წარმოდგენილ იქნა სრულყოფილი ინფორმაცია მსოფლიოში ნარჩენების მდგრადი მართვის უახლესი ტექნოლოგიებისა და საუკეთესო პრაქტიკის შესახებ. ასევე გაიმართა მსჯელობა ნარჩენების პრობლემებთან დაკავშირებულ და სხვა გარემოსდაცვით საკითხებზე.
დაწვრილებით

2012-10-26 საკოორდინაციო–საინფორმაციო შეხვედრა თემაზე: მყარი საყოფაცხოვრებო ნარჩენების მართვის საკითხები საქართველოში

2012 წლის 26 ოქტომბერს ქ. თბილისში, სასტუმრო რედისონში პროექტის ,,დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში” და 2012 წლის კლიმატის კვირეულის ფარგლებში გაიმართა საკოორდინაციო–საინფორმაციო შეხვედრა თემაზე: მყარი საყოფაცხოვრებო ნარჩენების მართვის საკითხები საქართველოში.

შეხვედრის მიზანი იყო საქართველოში ნარჩენების მართვის სფეროში მიმდინარე პროექტების შესახებ ინფორმაციისა და მიმდინარე საქმიანობის მოკლე მიმოხილვა, დაგროვილი გამოცდილების გაზიარება, არსებული მიღწევების და პრობლემების იდენტიფიცირება, ურთიერთთანამშრომლობის მექანიზმის ჩამოყალიბება, სამომავლოდ იდენტური ქმედებების დაგეგმვის თავიდან აცილების მიზნით.

დაწვრილებით

2012-10-23 დასუფთავების აქცია სოფ. ადლიის (აჭარა) მიმდებარე ტერიტორიაზე

2012 წლის 22 ოქტომბერს პროექტის „დავასუფთაოთ საქართველოს“ კამპანიის და კლიმატის კვირეულის (21–28 ოქტომბერი) ფარგლებში სოფ. ადლიის მიმდებრე ტერიტორიაზე ჩატარდა დასუფთავების აქცია. აქციაში მონაწილეობდა 35 მოხალისე – საქართველოს მწვანეთა მოძრაობა დედამიწის მეგობრები–საქართველოს ადგილობრივი ორგანიზაცია, აჭარის ა/რ გარემოს დაცვისა და ბუნებრივი რესურსების საამმართველოს თანამშრომლები და ადლიის საჯარო სკოლის მოსწავლეები.
დაწვრილებით


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 





 
 







 



Client Account

Sign-In
Sing Up