Geo Eng  
დაასუფთავე საქართველო
 
მთავარი             კონსორციუმი             პროექტი              GIS რუკა               დოკუმენტები               პარტნიორები
 
Clean Up Georgia

რეგიონალური შეხვედრა გურიის რეგიონი „ ეკოლოგიური ცნობიერების ამაღლება და ნარჩენების მართვა“

2017 წლის 11 დეკემბერს არასამთავრობო ორგანიზაციამ, „ეკოლოგიური ცნობიერების ამაღლება და ნარჩენების მართვა“ , პროექტის "დავასუფთაოთ საქართველო ფაზა III" ფარგლებში ჩაატარა რიგით მეორე რეგიონალური შეხვედრა ქ.ოზურგეთში (გურიის რეგიონი). რომელიც მიზნად ისახავდა რეგიონის ხელმძღვანელობის ინფორმირებას, საქართველოს ტერიტორიაზე და კონკრეტულად გურიის რეგიონში, არსებული სახიფათო ნარჩენების (ქლორი/ქიმიკატები) და მათგან გამოწვეული საფრთხეების შესახებ.
შეხვედრაზე წარმოდგენილ იქნა პროექტის ფარგლებში განხორციელებული ინვენტარიზაციის შედეგები, კერძოდ გურიის რეგიონში არსებული მდგომარეობა, სტატისტიკური მონაცემები, სახიფათო ნარჩენებით (კერძოდ, ქლორი/ქიმიკატები) გამოწვეული საფრთხეები და პრობლემების გადაჭრის სავარაუდო გზები.
ასევე, განიხილულ იქნა ქლორით გამოწვეული საფრთხეები (მათ შორის საქართველოს ტერიტორიაზე მომხდარი ფაქტები), მისი უტილიზაციის მეთოდები და უსაფრთხოების ზომები, სახიფათო ნარჩენებთან დაკავშირებული პრობლემების გადაჭრის სავარაუდო გზები, სახელმწიფოს როლი, პრევენციული ზომები და სხვა.
გარდა ამისა, განხილულ იქნა შესაბამისი ინსტრუქციები შემდგომში რეაგირებისათვის განსახორციელებელ ღონისძიებებზე ყველა საეჭვო შემთხვევის თავიდან ასაცილებლად. ასევე, სკოლის ლაბორატორიებში არსებული აღურიცხავი ვადაგასული/უვარგისი და ხმარებიდან ამოღებული ქიმიკატების და მათგან გამოწვეული საფრთხეები.
შეხვედრას ესწრებოდნენ გურიის გუბერნატორის ადმინისტრაციის, გარემოსდაცვითი ზედამხედველობის დეპარტამენტის, საგანგებო სიტუაციების მართვის სააგენტოს, შპს „საქართველოს მყარი ნარჩენების მართვის კომპანიისა“ და გურიის რეგიონის ყველა მუნიციპალიტეტის წარმომადგენლები.
გამოითქვა ინტერესი და მზადყოფნა პროექტთან თანამშრომლობის თაობაზე. შეხვედრის მონაწილეებს დაურიგდათ პროექტის ფარგლებში გამოცემული უსაფრთხოების სამოქმედო გეგმები, სახიფათო ნარჩენების მართვის სახელმძღვანელოები, საინფორმაციო ბროშურები, ფლაერები, რეაგირების საკომუნიკაციო სქემები და რეკომენდაციები.

„დავასუფთაოთ საქართველო - ფაზა III“ ახორციელებს არასამთავრობო ორგანიზაციათა კონსორციუმი: „ეკოლოგიური ცნობიერების ამაღლება და ნარჩენების მართვა“, საქართველოს ბუნების მკვლევართა კავშირი „ორქისი“ და საქართველოს მწვანეთა მოძრაობა/დედამიწის მეგობრები-საქართველო“, შვედეთის მთავრობის ფინანსური მხარდაჭერით.





უკან დაბრუნება




 
 







 



Client Account

Sign-In
Sing Up